၂၀၂၃ ခုနှစ်တုန်းက အမေရိကန်ပြည်ထောင်စု၊ ဖလော်ရီဒါပြည်နယ်က University of South Florida မှာ ဓာတုဗေဒ ဘာသာရပ်နဲ့ ပါရဂူဘွဲ့အတွက်သင်ကြားနေတဲ့ Xuming Li ဟာ Umar Abdullah ဆိုသူရဲ့ မိသားစုနဲ့ အိမ်နီးချင်းတွေဖြစ်ပါတယ် Abdullah ရဲ့မိသားစုမှာ ဇနီးသည်နဲ့ ကလေးငယ်တစ်ဦး ပါဝင်ပြီး Li ကတော့ အောက်ထပ်မှာ နေထိုင်ပါတယ်
Li ဟာ အပေါ်ထပ်ကနေ ဆူညံသံတွေ ထွက်တယ်ဆိုပြီး Abdullah မိသားစုကို အကြိမ်ကြိမ်ပြောကြားခဲ့ပါတယ် ဒီဆူညံသံတွေဟာ ဖုန်စုပ်စက်သံ၊ ခြေသံ၊ ဗီရိုတံခါးဖွင့်သံ၊ ပိတ်သံ စတာတွေလို နေ့စဉ်လုပ်နေကျ အသံတွေကြောင့် ဖြစ်ပါတယ် Abdullah မိသားစုဟာလည်း Li ရဲ့ ပြောဆိုသံတွေကို ဂရုမစိုက်ဘဲအိမ်ထဲမှာဘဲ ပုံမှန်အတိုင်းလှုပ်ရှားသွားလာ နေခဲ့ကြပါတယ်
ရက်သတ္တပတ်ပေါင်းများစွာကြာလာတဲ့အခါ Abdullah မိသားစုဟာ ထူးဆန်းတဲ့ ရောဂါလက္ခဏာတွေ စတင်ခံစားလာရပါတယ် သူတို့ဟာ အဆက်မပြတ် ခေါင်းကိုက်တာ၊ ခေါင်းမူးတာနဲ့ အန်တာတွေ ဖြစ်ခဲ့ပြီး သူတို့ရဲ့ ကလေးငယ်လေးဟာလည်း နေမကောင်းဖြစ်လာခဲ့ပါတယ် နောက်ပြီး သူတို့ရဲ့အိမ်ထဲမှာလည်း ထူးဆန်းတဲ့ အနံ့အသက်တစ်ခုကို ရလာခဲ့ပါတယ်
သံသယဝင်လာတဲ့အခါ Abdullah ဟာ သူ့တိုက်ခန်းရဲ့ တံခါးရှေ့မှာ လျှို့ဝှက်ကင်မရာတစ်ခု တပ်ဆင်ခဲ့ပါတယ် အဲဒီကင်မရာကနေ သူတို့မိသားစု နေမကောင်းဖြစ်ရတဲ့ အကြောင်းရင်းကို ဖော်ထုတ်နိုင်ခဲ့ပါတယ် ဗီဒီယိုထဲမှာ Li ဟာ ဆေးထိုးအပ်နဲ့ ဓာတုပစ္စည်းအရည်တွေကို သူတို့ရဲ့တံခါးအောက်ခြေကနေ အိမ်ထဲကို ထိုးထည့်နေတာကို တွေ့ရှိခဲ့ရပါတယ်
Abdullah ဟာ ဗီဒီယိုဖိုင်ကို ရဲစခန်းကို သွားရောက်ပြသခဲ့ပြီး ရဲတွေဟာ Li ကို ဖမ်းဆီးခဲ့ပါတယ် Li ထိုးသွင်းခဲ့တဲ့ ဓာတုပစ္စည်းတွေကို စစ်ဆေးကြည့်တဲ့အခါမှာတော့ မက်သာဒုန်း (methadone) နဲ့ ဟိုက်ဒရိုကိုဒုန်း (hydrocodone) လိုမျိုး အဆိပ်ပြင်းတဲ့ ဓာတုဗေဒပစ္စည်းတွေ ဖြစ်နေတာကို တွေ့ရှိခဲ့ရပါတယ်
ဒီအမှုကြောင့် Li ဟာ ကျောင်းကနေ ထုတ်ပယ်ခံခဲ့ရပြီး ရာဇဝတ်မှုတွေနဲ့ တရားစွဲခံခဲ့ရပါတယ် သူ့မှာရှိတဲ့ student visa လည်း ပယ်ဖျက်ခံခဲ့ရတာကြောင့် ၂၀၂၃ ခုနှစ်နှောင်းပိုင်းမှာ သူ့ရဲ့ဇာတိနိုင်ငံဖြစ်တဲ့ တရုတ်နိုင်ငံကို ပြန်လည်ပို့ဆောင်ခံခဲ့ရပါတယ် အခုချိန်ထိတော့ အမေရိကန်ကို သူ ပြန်လာရင် တရားရင်ဆိုင်ရမှာဖြစ်တယ်လို့ သိရပါတယ်
#knowledge #ဗဟုသုတ #facts #whatthefacts