အီရန် နျူကလီးယားစက်ရုံတွေကို ပြန်လည်စစ်ဆေးမှုတွေ လုပ်ဆောင်မယ်လို့ အိုင်အေအီးအေပြော
တီဟီရန်၊ စက်တင်ဘာ ၁၁
အမေရိကန်နဲ့ အစ္စရေးတို့ တိုက်ခိုက်ခဲ့တဲ့ နျူကလီးယား စက်ရုံတွေအပါအဝင် အီရန်ရှိ နျူကလီးယား စက်ရုံတွေအားလုံးကို ပြန်လည်စစ်ဆေးမှုတွေ လုပ်ဆောင်မယ်လို့ နိုင်ငံတကာ အဏုမြူစွမ်းအင်အေဂျင်စီ (အိုင်အေအီးအေ) အကြီးအကဲ က ပြောပါတယ်။
အိုင်အေအီးရဲ့ ဘုတ်အဖွဲ့အစည်းအဝေးကို မနေ့က ပြုလုပ်ရာမှာ အီရန်နျူကလီးယား အရေးဟာ ထိပ်ဆုံးမှာ ပါဝင်ခဲ့ပြီး နျုကလီးယားစက်ရုံတွေကို ပြန်လည်စစ်ဆေးဖို့ လက်တွေ့ကျတဲ့ နည်းလမ်းတွေက သဘောတူခဲ့တယ်လို့ အိုင်အေအီးအေနဲ့ အီရန်တို့က ပြောပါတယ်။
အဲဒီလို စစ်ဆေးမှုတွေ ပြန်လည်လုပ်ဆောင်ဖို့ရာမှာ နောက်ထပ်ဆွေးနွေးဖို့တွေ လိုတယ်လို့ အီရန်နိုင်ငံခြားရေးဝန်ကြီး အာရာချီက ပြောပါတယ်။ ဒီကိစ္စကို အရင်ပုံစံမျိုးနဲ့မဟုတ်ဘဲ နည်းလမ်းသစ်လိုတယ်လို့ သူကဆိုပါတယ်။
ဇွန်လအတွင်းက အီရန်နျူကလီးယားစက်ရုံတွေကို အမေရိကန်နဲ့ အစ္စရေးက တိုက်ခိုက်ပြီးနောက် အိုင်အေအီးအေနဲ့ ပူးပေါင်းဆောင်ရွက်မှုတွေကို အီရန်က ရပ်ဆိုင်းခဲ့ပါတယ်။ လက်ရှိ အိုင်အေအီးအေနဲ့ ညှိနှိုင်းမှုတွေဟာ အီရန်နျူကလီးယား စက်ရုံတွေကို အပြည့်အ၀ စစ်ဆေးခွင့်ရမလားဆိုတာကတော့ ရှင်းလင်းစွာ မသိသေးပါဘူး။
အမေရိကန်နဲ့ အစ္စရေးတို့ရဲ့ တိုက်ခိုက်မှုပြီးနောက် အီရန်နျူကလီးယားအစီအစဉ်ဟာ နှစ်အတန်ကြာ နောက်ပြန်ဆုတ်သွားနိုင်ကြောင်း ထောက်လှမ်းရေးအသိုင်းအဝိုင်းက သုံးသပ်ထားပြီး အီရန်ဟာ သန့်စင်ပြီး ယူနေရနီယံအချို့ကို နေရာ ရွှေ့ပြောင်းထားတယ်လို့ဆိုပါတယ်။
အီရန်အနေနဲ့ နျူကလီးယားအစီအစဉ်နဲ့ပတ်သက်ပြီး ညှိနှိုင်းဆွေးနွေးမှုတွေ မလုပ်ဘူးဆိုရင် အီရန်အပေါ် ကုလသမဂ္ဂက ချမှတ်ထားတဲ့ အရေးယူပိတ်ဆို့မှုတွေကို ပြန်လည်အသက်သွင်းဖို့ ပြင်သစ်အပါအဝင် ဥရောပအင်အားကြီးနိုင်ငံတွေက သတိပေးထားပါတယ်။
Ref:NHK
Photo:AFP
Credit - VOM News Agency
#သတင်းဟင်းလေးအိုးကြီး
