ထရမ့် မဟာမိတ် ချာလီ ကာ့ တက္ကသိုလ်ဝင်းထဲ ပစ်ခတ်ခံရပြီး သေဆုံး
စက်တင်ဘာ ၁၁
အမေရိကန်သမ္မတ ဒေါ်နယ်ထရမ့်ရဲ့ မဟာမိတ်လည်းဖြစ်၊ ကွန်ဆာဗေးတစ်တစ်ဦးလည်းဖြစ်တဲ့ ချာလီကာ့ ဟာ အမေရိကန်ပြည်ထောင်စုက ယူတာ့ကောလိပ်မှာ စကားရည်လုပွဲအစီအစဉ် တက်နေတုန်း သေနတ်နဲ့ ပစ်ခတ်ခံရပြီး သေဆုံးခဲ့ပါတယ်။
ဗုဒ္ဓဟူးနေ့ က ကျင်းပခဲ့တဲ့ သူ့ရဲ့ ဒီအစီအစဉ်ကို လူ ၃,၀၀၀ ကျော် တက်ရောက်နေခဲ့တာ ဖြစ်ပါတယ်။ အဲဒီပွဲကို ကျောင်းသားတွေ အများစုတက်ရောက်ခဲ့တာဖြစ်ပြီး ပွဲတက်လာသူတွေကိုတော့ ပစ်ခတ်မှု မရှိခဲ့ပါဘူး။
လူမှုကွန်ယက်စာမျက်နှာတွေပေါ် ပျံ့နှံ့လာတဲ့ ဗီဒီယိုဖိုင်တွေထဲမှာ ချာလီကာ့က “လက်နက်ကိုင်အကြမ်းဖက်မှုတွေ” အကြောင်းပြောနေတဲ့အချိန် မှာ လည်ပင်းကို ထိမှန်သွားခဲ့တာဖြစ်ပါတယ်။
သံသယရှိသူ နှစ်ဦးကို အာဏာပိုင်တွေက ဖမ်းဆီးခဲ့ပေမယ့် ပြန်လွှတ်ပေးခဲ့တယ်လို့ ကျောင်းတာဝန်ရှိသူတွေက ပြောပါတယ်။
အခုတော့ ကောလိပ်တစ်ခုလုံးကို သွားလာမှုကန့်သတ်လိုက်ပြီး လက်နက်အပြည့်အစုံနဲ့ ရဲတပ်ဖွဲ့တွေလည်း ကောလိပ် ပရဝုဏ်မှာ ကင်းလှည့်နေပါတယ်။
ယူတာ့မြို့တော်ဝန်ကတော့ ဒီတိုက်ခိုက်မှုကို “နိုင်ငံရေးအရ လုံကြံသတ်ဖြတ်မှု”လို့ ပြောပြီး အမေရိကန်နိုင်ငံသားတွေအချင်းချင်း “အမုန်းတရား” တွေ ရပ်တန့်ဖို့ တောင်းဆိုလိုက်ပါတယ်။
ချာလီကာ့ဟာ သူ့အသက် ၁၈ နှစ်အရွယ် ၂၀၁၂ ခုနှစ်မှာ Turning Point USA (TPUSA) ကို ပူးတွဲတည်ထောင်ခဲ့ပါတယ်။ BBC
TPUSA ဟာ ကောလိပ်တွေမှာ ရှေးရိုးစွဲအယူဝါဒတွေ ပြန့်ပွားစေရေး ရည်ရွယ်ခဲ့တာပါ။
TPUSA ဟာ အမေရိကန် သမ္မတ ထရမ့် မဲဆွယ်ရေးအစီအစဉ် နဲ့ နီးကပ်တဲ့ ချိတ်ဆက်မှုတွေရှိခဲ့ပြီး ပြီးခဲ့တဲ့ အမေရိကန်ရွေးကောက်ပွဲမှာ လူငယ်မဲပေးသူများစွာကို ရှေးရိုးစွဲအယူဝါဒတွေ ဖြန့်ဝေနိုင် ခဲ့ပါတယ်။
ကာ့ ရဲ့ followers သန်းနဲ့ချီတဲ့ ပေါ့ကတ်စ် အစီအစဉ်ထောင်ဟာ လည်း ထရမ့်ရွေးကောက်ပွဲ အောင်နိုင်ရခြင်းရဲ့ အဓိကသော့ချက်တွေထဲက တစ်ခုဖြစ်တယ်လို့ ရီပတ်ဘလင်ကန်ပါတီဘက်က ပြောကြပါတယ်။
ဇန်နဝါရီလက မြို့တော်ဝါရှင်တန်ဒီစီမှာ လုပ်တဲ့ ထရမ့်ရဲ့ သမ္မကျမ်းကျိန်တဲ့အခမ်းအနား ကို ချာလီကော့ လည်းတက်ရောက်ခဲ့ပြီး၊ နောက်ပိုင်းမှာ အိမ်ဖြူတော် ပုံမှန် ဝင်ထွက်သွားလာနေသူ ဖြစ်လာခဲ့ပါတယ်။ အမေရိကန်သမ္မတထရမ့် ကတော့ သူ့ရဲ့လူမှုကွန်ယက်မီဒီယာ Truth မှာ “ချာလီကာ့ လုပ်ကြံသတ်ဖြတ်မှုကြောင့် ပူဆွေးသောကတွေ နဲ့ အမြတ်ဒေါသတွေ ပြည့်နှက်နေတယ်” လို့ ရုပ်သံဗီဒီယိုကတဆင့် ပြောလိုက်ပါတယ်။
Source - BBC
ပုံစာ - ချာလီကာ့ ပစ်ခတ်မခံရမီ မြင်ကွင်
#centralnewsnaypyitaw
