သံသရာကို မကြောက်ရင်တော့
ကံကြမ္မာကို ဖောက်ပြန်ကြရုံပေါ့ ။
သူအသက်ကို သတ်ရင်
ကိုယ့်အသက်လည်း မရှည်ပါဘူး ။
သူ့ဥစ္စာကို ခိုးယူထားရင်
ကိုယ့်ဥစ္စာလည်း လုံးဝမတိုးပွားဘူး ။
သူ့သားမယား စော်ကားရင်
ကိုယ့်မှာလည်း မတော်မတရားဖြစ်မယ် ။
ကိုယ်မဟုတ်တာ လိမ်ပြောမိရင်
မှန်တဲ့သူတွေနဲ့လည်း မတွေ့ရတတ်ဘူး ။
မေ့လျော့စွာ သေရည်သောက်ရင်
ဖြစ်လေရာ ဉာဏ်မရှိပဲ အရှူးဖြစ်မယ် ။
ပစ္စုပ္ပန်အကြောင်း ကောင်းပါမှ
အနာဂတ် အကျိုးကောင်းကြမှာပါ ။
ဘယ်သူမှ မသိဘူး မထင်ပါနဲ့
ကံ၀ဋ်ကြွေးတွေက သိနေကြပါတယ် ။
အပြင်မှာ လာဘ်ထိုးလို့ ရပေမယ့်
ကံကြွေးဆိုရင် ငရဲမှာ လာဘ်ထိုးမရပါဘူး ။
စားရလှတစ်ဝမ်း ဝတ်ရလှတစ်နေ့
နေရလှတစ်သက်လောက်ပါ
ဘာမှမက်လောက်စရာ မရှိကြပါဘူး ။
သံသရာမှာ အကုသိုလ်ကံသတ္တိတွေဟာ
ကမ္ဘာနဲ့ချီပြီးတော့ ခံကြရတာပါ ။
နေရသမျှ အခိုက်တန့်လေးမှာ
တစ်ခဏ ချမ်းသာဖို့ အရေးအတွက်
သံသရာရဲ့ဒုက္ခများစွာနဲ့ မလဲမိအောင်
အထူးဂရုစိုက်ပြီး နေထိုင်ဖို့လိုပါတယ်။
ကျေးဇူးတော်ရှင် ပါမောက္ခချုပ်ဆရာတော်
🙏ဒေါက်တာ ဘဒ္ဒန္တနန္ဒမာလာဘိဝံသ🙏
